حالة هذا الأسبوع ( 335 )

ندى .. 24 سنة .. من المنيا

" الحول الأنسي المرتجع "

مينفعش بنت في سن ندى لسه الدنيا كلها قدامها ترضى انها تكمل حياتها كده .. مفيش أي مبرر لكده .. حتى لو كانت عملت عملية من 5 سنين والحول رجع تاني .. برضه ده مش مبرر أبداً انها ترضى تكمل كده .. ايه المشكلة يا بنتي انك عملتي عملية والحول رجع .. طيب ما نعمل عملية تاني وان شاء الله ميرجعش تاني .. المهم الحول ده لازم يتعدل .. ازاي بنت لسه متخرجة وناجحة تقابل كل يوم زميلاتها كده .. طيب تتصور مع صحابتها ازاي .. تحط صورتها في البروفايل بتاعها ازاي 

ندى لم تستسلم زي كتير من المرضى اللي رفعوا الرايه البيضا بعد اول تجربه فاشله وكملوا حياتهم محبطين ومكسوفين ويائسين ومعقدين .. ندى لم تستسلم .. والدليل انها جاية النهارده من المنيا بتدور على حل

ندى قالت لأ .. مش هأكمل كده .. لازم الحول ده يتعدل .. هأعمل العملية تاني .. مش هاسكت الا لما الحول ده يتعدل ويبقى شكلي طبيعي زي باقي البنات .. فعلاً بنت صعيدية ب 100 راجل

النهارده ندى جت لي من المنيا بعد العملية بشهر .. الحمد لله رب العالمين .. مفيش حول خلاص .. أخيراً يا بنتي  .. أخيراً مفيش حول .. بنت واثقة .. أنيقة .. جميلة .. مقدرش غير إني اقول الحمد لله رب العالمين .. وألف حمد الله على سلامتك يا بطله .. وان شاء الله ميرجعش الحول تاني أبداً