|
حالة هذا الأسبوع ( 210 ) وائل السرجاني .. 15 سنه
.. من المحله الكبرى
" أنا عملت العملية قبل كده والحول رجع .. ينفع اعمل
عملية تاني ؟ "
قبل ما اكلمكم عن قصة النهارده احب أولاً اشكر وائل
على شجاعته الفائقه وثقته بنفسه اللي ملهاش حدود وموافقته اني
انزل صورته على صفحتي في حالة هذا الأسبوع مع انه لسه شاب صغير
خالص وقالي ان كل اصحابه على الفيس هيشوفوا البوست ده لكن هو
حابب انه يحكي قصته للناس كلها
نخش بقى في الموضوع
لما عيان يكون عمل عملية حول قبل كده والحول متعدلش
بيكون
مش مصدق أبداً انه ممكن يعمل عملية تاني وان ممكن الحول يتعدل
.. كتير منهم كده .. وائل كان متابع حالاتي على الصفحه
..
انا دايماً باكتب ان كل مشكله وليها حل باذن الله .. مينفعش
شاب في سن وائل ولسه الدنيا قدامه يرضى انه يعيش طول حياته
أحول .. مفيش أي مبرر لكده .. حتى لو عمل عملية قبل كده والحول
رجع تاني .. ده برضه مش مبرر انه يرضى يعيش كده .. لازم يعمل
عمليه تاني .. ولازم عينه تتعدل
وائل كان ولد شجاع جداً ومش راضي أبداً عن شكله .. لم
يستسلم زي كتير من المرضى .. كتير رفعوا الرايه البيضا بعد اول
تجربه فاشله .. وعاشوا حياتهم محبطين ومكسوفين .. لكن وائل لأ
..
عمل عملية زمان قبل كده والحول رجع
وأهو جاي لي النهارده عايز يعمل عمليه كمان ..
سؤاله كان محدد وواضح " د. جمال انت دايماً بتكتب على
صفحتك ان أي حول مهما كان ممكن يتعدل .. صح ؟ "
" صح يا وائل انا باكتب كده .. وده فعلاً اللي بيحصل
.. مفيش حاجة اسمها الدكاترة قالوا لي مينفعش تعمل عملية تاني
.. الكلام ده كله غلط والدكاترة مش بتقول كده .. أي حول فعلاً
ممكن يتعدل بالعملية "
" بجد يا دكتور جمال .. يعني حقيقي ممكن تعملي عملية
وعيني تتعدل .. وأرجع طبيعي زي كل أصحابي "
" اقول لك يا وائل .. الحول اللي عندك ده هاعدله يعني
هاعدله باذن الله طبعاً .. أنا متعاطف معاك جداً .. ربنا يسهل
ان شاء الله"
المهم .. عملت لوائل العمليه .. كانت صعبه والله ..
وطويله ..
بس الحمد لله مشيت كويس
دي صورة وائل بعد العمليه .. الحمد لله .. مفيش حول
خلاص .. الحمد لله رب العالمين
ربنا يسعدك يا ابني
وحمد الله على سلامتك يا حبيبي
د. جمال صبحي
|
.jpg)
