حالة هذا الأسبوع ( 226 ) حسن عبد الله العمري .. 18 سنة .. من السعودية

" الحول المرتجع "

حسن جالي من السعودية من حوالي شهر .. هو كان عمل عملية حول قبل كده من 8 سنين والحول رجع له تاني

قبل ما أكلمكم عن حسنفرصة نقول شوية معلومات عن رجوع الحول

طبعا يا جماعة فيه نسبة معروفة لاحتمال رجوع الحول تاني بعد العملية .. ولو رجع بيرجع بعد كام سنة كل الكلام ده اتكتب في ابحاث كتيرة قوي اتعملت على الاف من العيانين

عايز اقول لكم الأول شوية كلام يطمنكم .. مش كل انواع الحول ياجماعة الحول بيرجع فيها .. فيه انواع حول كتيرة نسبة رجوع الحول فيها صفر % .. يعني العيان يعمل العملية وعينه تتعدل ومش ممكن الحول يرجعله تاني ابدا ..

طيب الأنواع اللي بيرجع فيها الحول 

- نسبة رجوع الحول في الأنواع دي مش نسبة عالية زي ما الناس فاكرة .. دي بتتراوح بين 5 - 15 %  بس .. يعني كل 100 عيان يعملوا العملية حوالي 90 يعملوا العملية ويكملوا حياتهم زي الفل والحول مايرجعش لهم أبدا طول عمرهم

- طيب العيانين اللي الحول رجع لهم تاني .. ياترى بيرجع لهم بعد كام سنة ؟

والله مفيش قاعدة ثابتة .. فيه اللي بيرجع له الحول بعد العملية بسنتين وفيه اللي بيرجع له الحول  بعد  العملية بعشر سنين وفيه اللي بيرجع له الحول قبل كده أو بعد كده

- طيب لو الحول رجع بنعمل ايه ؟

والله الاجابة بسيطة جداً .. وبأقولها لكل العيانين :

" نعمل عملية تاني  "

حسنقال لي بالحرف الواحد " بس انا خايف اعملها تاني ويرجع تاني "

" على أسوأ الفروض .. هيرجع بعد 8 سنين تاني .. طيب يا حسنعايز تقعد أحول كده طول عمرك عشان خايف ان الحول يمكن .. ويجوز .. وربما .. وعسى .. ولعله يرجع تاني بعد 8 سنين .. ايه التفكير العجيب ده .. ما يرجع .. وايه يعني ..  ماهو لو رجع تاني هنعدله تاني .. فين المشكلة .. انا مش شايف أي مشكلة "

حسنبعد الكلام ده اتشجع جداً .. عملت له العملية من يومين .. وجالي النهاردة استشارة عشان عايز يرجع السعودية .. طبعاً عينه لسه حمرا لكن الحمد لله عمليته حلوة قوي ..

حمد الله على السلامة ياعبد الله

وإن شاء الله الحول ميرجعش تاني أبداً

د. جمال صبحي