|
حالة هذا الأسبوع ( 344 )
محمد .. 15 سنة .. من الغردقة
" الحول المرتجع "
محمد عمل عملية للحول ده من 6 سنين والحول رجع
تاني
كتير من الناس فاكرين إنه مادام عملوا عملية
حول قبل كده يبقى مينفعش يعملوا عملية تاني .. ده وهم شائع
ودايماً المرضى يسألوني السؤال اللي باستغرب جداً لما أسمعه (
هو ينفع نعمل عملية تاني ؟؟ )
طبعاً ينفع .. الحول المرتجع اللي هو رجع تاني
بعد العملية علاجه عملية تاني يا جماعة .. ملوش علاج تاني ..
أنا قلت الكلام ده لمامة محمد .. يعني إيه خايفه تعملوا عملية
تاني .. هو معقول نسيب الولد اللي زي السكر ده يكمل حياته كده
.. مينفعش خالص .. لازم نعمل عملية تاني يا ماما وإن شاء الله
ميرجعش الحول أبداً بعد كده
لما بعتولي صورة محمد على الواتس النهارده بعد
أسبوعين من العملية أنا كنت هأطير من الفرحة .. ايه الشاب
القمر ده .. ايه الفرحه دي .. ايه الثقة دي .. صورة محمد دي
رسالة لكل اللي بيسألوني كل يوم نفس السؤال ( انا عملت عملية
قبل كده .. ينفع أعمل عملية تاني ؟؟ )
انا هأسيب صورة محمد هي اللي ترد عليكم
حمد الله على سلامتك يا ابني وربنا يوفقك
|
.jpg)
