حالة هذا الأسبوع ( 377 )

فاطمة حسن السر .. 28 سنه .. من السودان

" الحول الوحشي المرتجع "

احب أولاً اشكر فاطمة على ثقتها بنفسها اللي ملهاش حدود عشان وافقت انزل صورتها على صفحتي بالرغم اني عرفت ان صاحباتها على الفيس كتير قوي وكلهم هيشوفوا صورها دي لكن فاطمة طلعت بنت شجاعه وجدعه جداً .. وحبت ان البنات اللي عندهم نفس مشكلتها تشاركهم التجربة الناجحه دي اللي مرت بيها

لما بنت زي فاطمة يا جماعه تكون عملت عملية حول قبل كده والحول رجع تاني .. بتكون مش مصدقه كلامي وانها ممكن تعمل عملية تاني وان الحول هيتعدل ومش هيرجع تاني أبداً .. فاطمة كانت متابعه حالاتي على الصفحه  .. انا دايماً باكتب ان مينفعش شابه في سن فاطمة ترضى انها تعيش طول حياتها بالحول ده .. مفيش أي مبرر لكده .. حتى لو عملت عملية قبل كده والحول رجع تاني .. ده برضه مش مبرر انها ترضى تعيش كده .. لازم تتشجع وتعمل عمليه تاني .. لازم عينها تتعدل .. مينفعش تكمل حياتها كده

المهم .. فاطمة جت لي من السودان .. لما دخلت العياده سؤالها ليا كان محدد وواضح " د. جمال انت دايماً بتكتب على صفحتك ان أي حول حتى لو اتعمل قبل كده ممكن يتعدل .. صح ؟ "

" صح يا فاطمة انا باكتب دايماً كده .. مفيش حاجة اسمها بيقولوا لي مينفعش تعملي عملية تاني .. الكلام ده كله غلط .. أي حول فعلاً ممكن يتعدل بالعملية .. حتى لو عملتيها قبل كده "

المهم .. عملت العملية تاني يوم .. ولما فاطمة جت لي استشارة بعد اسبوعين .. اتفاجأت بواحده تانيه خالص .. بقيت متمسك برأيي أكتر وأكتر .. شوفوا شكل فاطمة بقى عامل ازاي .. شوفوا شكلها الروعة .. بنت زي القمر كده كانت توافق ازاي تكمل حياتها بالحول اللي كان عندها .. برافو عليكي يا بنتي وعلى شجاعتك وتصميمك إنك تعملي عمليه تاني وترفضي انك تكملي حياتك بالحول ده

الحمد لله رب العالمين وألف مبروك نجاح عمليتك يا بنتي