facebook زوروا صفحتنا على الفيسبوك  زوروا قناتنا على اليوتيوب 

اتصل بي اسئلة شائعة استشارات عن بعد حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 32


 

 

حالة هذا الأسبوع ( 249 ) محمود رضوان .. 35 سنه من أسيوط

الشاب الصعيدي الشهم ده نزل أجازة من شغله في الكويت مخصوص عشان يعمل عندي عملية الحول .. النهارده جالي استشارة بعد العملية .. كان فرحان جداً بنتيجة العملية وطلب مني انزل صوره على صفحتي عشان يشجع أي حد فاكر ان العين الضعيفة وفيها حول مينفعش تعمل عملية - صورته بعد العمليه بيومين شوفوها في أول تعليق -

محمود من فترة طويله عينه اليمين اتعرضت لإصابه  شديده وحصل فيها انفصال شبكي .. تعب أوي عشان يعالجها ..  لكن للأسف العين فقدت الرؤية تقريباً .. هو دلوقتي بيشوف بالعين الشمال بس .. عشان كده حصل حول وحشي في العين اليمين .. والدكاتره أجمعوا ان مستحيل العين دي نظرها يتحسن .. لما جه لي العياده من أسبوع قلت له طبعاً عملية الحول هتغير شكلك خالص يا محمود  .. عملية حول للتجميل بس مش لتحسين النظر ..  اياك تصدق يا محمود ان العملية مش هتنجح عشان العين مش بتشوف .. او ان الحول لازم هيرجع تاني .. ده اعتقاد خاطئ عند كتير من المرضى

صحيح الحول فيه احتمال انه يرجع .. لكن نسبة رجوعه قليله متزيدش عن 10% .. مش معقول نسيب 100 مريض عايشين بالحول عشان جايز ان 10 منهم ممكن يرجع لهم الحول ... ايه المنطق الغريب ده .. ماهو لما يرجع هنعمل عمليه تاني والعين هتتعدل برضه .. مفيش مشكلة خالص

المهم .. الحمد لله عمليته هايله .. .. شكله بقى جميل جداً .. حاجه تانيه خالص .. ولسه لما الاحمرار ده يروح كمان اسبوعين كده .. الدنيا هتبقى احسن بكتير .. مش قادر اوصف لكم  أد ايه هو فرحان بشكله الجديد الجميل

حمد الله على سلامتك يامحمود .. وشكراً كمان مرة انك طلبت انزل صورك على صفحتي

 



Copyright © 2021 Dr.Gamal Sobhy All Rights Reserved

الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders