حالة هذا الأسبوع ( 341 )

" الحول الوحشي للعين الضعيفة "

 إيمان .. 32 سنة .. أشطر محفظة قرآن في المحلة

-        أولاً شكراً يا إيمان انك سمحتي انزل صورتك على صفحتي  -

إيمان يا جماعه عينها الشمال ضعيفة جداً من زمان .. عشان كده حصلها الحول الوحشي ده .. درجة الحول عندها كبيره قوي ومأثر طبعاً على شكلها .. إيمان محفظة قرآن معروفه في مدينة المحلة الكبرى .. طبيعة شغلها بتخليها تتعامل مع أطفال وكبار طول الوقت .. ودايماً هي بتبص عليهم وهما دايماً باصين في وشها عشان يتعلموا منها نطق الآيات وكده .. شغلها كده .. موضوع محرج فعلاً .. عندها حق تكون متضايقه .. هي مش زي باقي البنات اللي عندهم حول مخبيه عينيها عشان محدش يشوفها .. مينفعش .. مفيش محفظة قرآن ينفع تخبي وشها .. لازم الناس تبصلها طول الوقت ..   

لم جت العياده إيمان سألتني السؤال المعتاد اللي بيسأله كل الناس .. هو ينفع نعمل عملية الحول للعين الضعيفه دي ؟ 

 وإجابتي المعروفه اللي كلكم حفظتوها خلاص .. صحيح العين صعب دلوقتي ان نظرها يتحسن ... لكن ليه نسيب نفسنا عايشين بالحول ده .. طبعاً عملية الحول هتنفع يابنتي وأكيد هتغير شكلك خالص يا إيمان  .. هتخليكي حد تاني .. بشكل تاني .. بنفسية تانيه

إيمان لما جت لي النهارده بعد العمليه بأسبوعين فرحت بيها جداً .. جداً .. الحمد لله عمليتها هايله .. شكلها بقى جميل جداً .. ابتسامتها في الصورة التانية بتبين قد ايه هي فرحانه بشكلها الجديد الجميل .. نيولوك حقيقي

حمد الله على سلامتك يا بنتي .. وشكراً كمان مرة انك وافقتي انزل صورتك على صفحتي