facebook زوروا صفحتنا على الفيسبوك  زوروا قناتنا على اليوتيوب 

اتصل بي اسئلة شائعة استشارات عن بعد حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 48


 

حالة هذا الأسبوع ( 374 )

صالح عبد المعز .. 22 سنه من المنيا

" الحول الوحشي للعين الضعيفة "

صالح عنده 22 سنة .. طالب قي آخر سنة في نظم ومعلومات .. عينه اليمين كان فيها انفصال شبكي منذ طفولته .. عمل عملية جسم زجاجي و انفصال شبكي وهو عنده 3 سنين .. العين دي نظرها ضعيف وظهر فيها الحول الوحشي ده .. وهو معتمد في الرؤية على العين الشمال .. صحيح الدكاتره أجمعوا ان مستحيل العين دي نظرها يتحسن عن كده .. لكن ليه نسيب صالح عايش بالحول ده حتى لو النظر مش هيتحسن .. أنا قلت لصالح عملية الحول يا ابني هتغير شكلك خالص .. نظر العين دي فعلاً مش هيتحسن .. لكن حتى لو نظرها مش هيتحسن ليه نعيش بالشكل ده يا صالح ..  اياك تصدق ان العملية مش هتنجح عشان العين ضعيفة .. ده اعتقاد خاطئ عند كتير من المرضى

صالح كان شجاع .. اقتنع بكلامي ووافق يعمل العمليه .. دي صورته بعد العمليه بشهر .. شكله فعلاً بقى غير .. حاجه تانيه خالص .. مش قادر اوصف لكم  أد ايه صالح فرحان بشكله الجديد الجميل وكل شوية يبعت لي على الواتس كلام في منتهى الرقة

بذمتكم أيهما أفضل .. أعيش طول عمري عايش بالحول ده .. أدخل الجامعة كده .. وأشتغل كده .. وأقعد مع زمايلي كده .. وأخطب كده .. وأتجوز كده .. وولادي يشوفوني كده .. ولا أتوكل على الله وأعمل العمليه واستعيد ثقتي بنفسي وأعيش بشكل طبيعي زي كل الناس .. أيهما أفضل ؟؟ 

حمد الله على سلامتك يا صالح والف مبروك

 



Copyright © 2021 Dr.Gamal Sobhy All Rights Reserved

الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders