facebook زوروا صفحتنا على الفيسبوك  زوروا قناتنا على اليوتيوب 

اتصل بي اسئلة شائعة استشارات عن بعد حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 49


 

حالة هذا الاسبوع ( 384 )

جيلان ماهر .. 32 سنة .. من المنيا

" أنا فعلاً بأكره المرض ده "

آنسة جيلان .. البنت السكر دي مدرسة انجليزي من المنيا .. عندها الحول ده من صغرها .. بابا وماما راحوا بيها لكذا دكتور وكلهم قالوا لهم نفس العلاج .. الحول ده ملهوش علاج إلا العملية .. وكالعادة .. زي مابيحصل كتير في الصعيد .. رفضوا يعملوا لها العملية .. وسابوها يا عيني تعيش كده .. خلصت الثانوية كده .. ودخلت الجامعة كده .. واتعينت مدرسة وهي كده .. البنت مدرسة انجليزي هايلة .. لكن رفضت طبعاً – بسبب عينيها – انها تشتغل في الفصول .. واشتغلت إدارية في المدرسة .. مش قادرة طبعاً تخش القصل بعينيها كده .. خصوصاً إنها في مدرسة بنات

جيلان جت لي العيادة مع خالها من حوالي شهرين .. قالت لي انها متابعة صفحتي وبتشوف الحالات اللي بانزلها على الصفحة .. وان نفسها تشوف صورتها على الصفحة زي البنات القمرات اللي بانزلهم بعد العملية

المهم .. تاني يوم عملت لجيلان العملية

بعد شهر من العملية بعتت لي على الواتس صورتها الجميلة دي وكلام جميل جداً كتبتهولي 

كل مرة يا جماعة تيجيلي بنت في سن جيلان وأتفاجئ بعد العملية إنها زي القمر كده بأكره المرض ده أكتر

الحول مش بيأثر على شكل الإنسان بس .. بيأثر أكتر على نفسيته .. على طبيعته .. على شخصيته .. على تصرفاته .. على شغله .. على علاقته بالناس

أنا بأشوف البنات دول قبل وبعد العملية .. طبعا حاجه غير .. ضحكة إيه .. وفرحة أيه .. وثقة إيه .. البنت اتغيرت فعلاً .. بقت واحدة تانية والله

حمد الله على سلامتك يا بنتي .. وألف مبروك

 



Copyright © 2021 Dr.Gamal Sobhy All Rights Reserved

الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders