حالة هذا الاسبوع ( 493 )

عصمت نصار .. 32 سنة .. من سوهاج

" الحول الوحشي للعين الضعيفة "

عصمت  من صغره وعينه الشمال نظرها ضعيف أوي نتيجة مرض خلقي في الشبكية .. هو تقريباً بيشوف بالعين اليمين بس .. عشان كده حصل الحول الوحشي ده في العين الشمال .. يعني حدفت لبره ... والدكاتره أجمعوا ان مستحيل العين دي نظرها يتحسن .. لما عصمت  جه لي العياده  قلت له طبعاً العملية هتعدل الحول .. لكن النظر مش هيتحسن .. عملية حول للتجميل بس ..  واياك تصدق ان العملية مش هتنجح عشان العين نظرها ضعيف .. او ان الحول لازم هيرجع تاني .. ده اعتقاد خاطئ عند كتير من المرضى

الحمد لله عمليته هايله .. شوفوا صورته اللي بعتهالي واتس بعد العمليه .. شكله بقى جميل جداً .. حاجه تانيه خالص .. أنا نفسي مش مصدق إن السكر اللي بيضحك ده .. هو هو اللي كان مكشر ده .. شكله اتغير فعلاً .. مش قادر اوصف لكم  أد ايه هو فرحان بشكله الجديد الجميل ..

حمد الله على سلامتك يا ابني .. والف مبروك