|
حالة هذا الاسبوع ( 278 )
" الحول الرأسي "
الحول ده نادر مش بنشوفه كتير .. وعلاجه محتاج حرص
شديد .. في الحول الرأسي بتكون فيه عين أعلى من عين زي
صورة المريض بتاعنا قبل العملية .. والوضع ده طبعاً بيأثر
على شكل المريض جداً .. وهو من أنواع الحول إللي ملوش علاج
إلا العملية .. بس قبل العملية مهم جداً التشخيص الصحيح ..
لأن العضلات المسئولة عن الحول ده 4 عضلات مختلفة وبنحتاج
اجهزة معينة وفحص دقيق عشان نوصل لتشخيص العضلة المسئولة
عن الحول وبالتالي نعمل العملية الصحيحة لإصلاحه .. ازاي
عين مرفوعة بالشكل ده نقدر ننزلها لتحت بأجزاء من
الملليمتر من غير مشاكل .. ازاي ننزلها لنفس المستوى بتاع
العين التانية بالظبط .. أي مللي لفوق أو لتحت هيفرق جداً
.. طبعاً عملية صعبة ودقيقة ومسئولية كبيرة.
مريضي الحبيب جه النهارده العيادة عشان اطمن عليه
بعد العملية.. الحمد لله .. عمليته هايلة والله .. نتيجة
رائعة .. يستاهل الحمد
عمليتك حلوة قوي يا ابني .. هل توافق انزل صورك
على صفحتي في حالة هذا الاسبوع ؟
..
موافق يا دكتور جمال بس تنزل صورتي بالماسك .. ماشي ياعم
ننزلها بالماسك
ألف حمد الله على سلامتك
والف مبروك
|
.jpg)
